Madaxweyne Ku-xigeenka Puntland Ilyas Osman Lugatoor, ayaa caawa ka qeybgalay munaasabadda daah-furka Shirkadda..
Madaxweyne Ku-xigeenka Dowladda Puntland H.E Ilyas Osman Lugatoor, ayaa caawa ka qeybgalay munaasabadda daah-furka Shirkadda Korontada iyo Biyaha ee (Dahab Power & Water Company) oo laga hirgeliyay Puntland gaar ahaan caasimadda Garoowe .
Madaxweyne Ku-xigeenka Dowladda Puntland ayaa la wadaagay madasha in Dowladda Puntland ay qaadatay siyaasad lagu taageerayo Laguna dhiirigelinayo maalgashiga iyo ganacsiga, sidaasi darteed marwalba ay soo dhoweynayso cidkasta oo dalka maalgashanaysa, wuxuuna boggaadiyey ganacsatada hirgelisay shirkada cusub ee korontada iyo Biyaha.
Munaasabadda waxaa ka qeybgalay Goleyaasha Dowladda Puntland , Maamulka Gobolka Nugaal, Kan degmada Garoowe iyo qeybaha kala duwan ee bulshada ku nool caasimada Garoowe.
